| 二○○六年七月十日（星期一）
大家唔使搵我傾野，我好忙。
如果有人認為有需要排戲，自己決定要排邊場，自己約齊人，自己搵地方，然後通知我去睇，不過我唔等人，我去到時齊人就排，唔齊人就散。
其他野，你地自己拿主意決定，你鍾意點就點。我有野做，唔得閒，你地排住先。
如果劇本有改，我會 email 俾陳禮，你地自己叫佢 send 俾你，自己 print，如果冇 printer 就自己叫人幫你影印。
§ § § §
邊個仔最乖，好明顯啦。
不過好似唔多關佢事。兩個都唔關。 |
| |
| 二○○六年七月九日（星期日）
我今日好撚開心！
我終於做番個人，而唔係一隻狗！
我十尻世冇拜山，今日拜番，仲同亞爸亞媽傾左半個鐘頭偈；
我十尻世冇睇過戲，今日睇番，不過而家 d 戲院真係唔掂；
我終於知道樂文搬左去邊，原來只係搬上一層；
我仲去埋東涌、赤柱、PageOne；
我食左個巴西燒春雞(半隻)鐵板餐，好撚正！
都唔知點解我之前咁西戇撚七，有自唔在，搵苦黎辛，搵氣黎激。 唔關我事，我好撚多野做，星期三又要測驗，下星期六要交 paper，過多個星期又有一份要交，再過多兩個星期又有一份要交。我有野做，你地自己排住先。 |
| |
| 二○○六年七月三日（星期一）
放縱。
放縱地吃喝，放縱地睡，放縱地不工作，又有何干？難道不放縱便會有好結果嗎？ |
| |
| 二○○六年六月三十日（星期五）
八年前，世界上有兩個人好鍚我。
六年前，世界上有一個人好鍚我。
而家，最鍚我o個個可能係我個仔。 |
| |
| 二○○六年六月廿九日（星期四）
9 p.m. 訓，3 am 起身，咩生活o黎咖？！
呢幾日專登食少o的o野，每日全日夾埋食少o左起碼一餐飯，但竟然唔會太肚餓，由此可見以前食得幾多。
琴日諗住排戲，點知我加o左場冇人知，結果取消o左，多o左o的時間改卷。
呢幾日改卷改到死o左，日日訓得三四粒鐘，老人家o黎咖嘛，仲邊捱得，死咁滯。點解我咁多o野做？呢期好憎田北辰，唔係佢，就唔使讀o的咩死人專科專教，我唔會咁冇錢、咁唔得閒。
今日排戲，竟然去錯地方，但排o左粒半鐘先發覺，都幾荒謬。晚夜本來應該係 technical try out，但只得大仔同細女，衫又未試，唯有改做試衫試妝；但衫又未齊，試條腸！試o左 Wing 姐同天王個妝，都幾搞o野。
排戲前o的小戲子睇份剪報，有個識得o既俾人斬。思潮起伏。
聽日本來見新校校監個 appointment 又改o左，於是聽日可以全日排戲，yeah。但改o左去下星期三，要帶隊出義工......；新校又叫我去 workshops，本來當然冇問題，我自一出道以o黎，都不斷去上堂咖啦，不過，新高中音樂課程？我......唔係小學部o既咩？
頭先亞奶 MSN 問我o野。4 pm，點解我地兩個會用緊 MSN ? |
| |
